ЦНЦ ВИТКАЊЕ
ЦНЦ виткањето е процес на прецизно обликување на метални лимови со помош на компјутерски управувани машини. Овој метод е широко применет во идустриите како што се автомобилската, градежната, електрониката, индустријата за производство за мебел и во други области каде што се бараат точни и повторливи форми.
Како функционира процесот?
- Програмирање на машината
Се користи CAD/CAM софтвер за дизајнирање на деловите, по што се генерира G-код кој ја води машината при виткањето.
- Подготовка на алатите
Се избираат соодветни алати – панч и матрица – во зависност од дебелината и видот на материјалот, како и од потребниот агол на виткање.
- Поставување на материјалот
Металниот лим се позиционира на работната маса, при што задните граничници (back gauge) ја дефинираат точната линија
- Извршување на виткањето
Машината ја придвижува горната алатка врз лимотшто се обработува со силата која е дефинирана од програмотво зависност од дебелината, должината и типот на материјалот, притискајки го во долната алатка, со што се добива саканиот агол на виткање.
Примена на ЦНЦ виткањето:
- Машинска и метална индустрија
Производство на куќишта за машини, шасија, рамки и држачи.
- Автомобилска индустрија
Виткање на лимови за каросерии, врати, капаци и издувни системи.
Делови за носачи на мотори, внатрешни компоненти, потпирачи и др.
- Градежна индустрија
Производство на метални профили, носачи, фасадни панели и кровни конструкции.
Виткани лимови за скалила, огради, монтажни конструкции и сл.
- Електроника и енергетика
Изработка на електро-куќишта, ормари, панели, носачи за кабли.
Монтажни решенија за соларни панели и електроинсталации.
- Мебел и ентериер
Метални рамки за мебел (столици, маси, полици).
Декоративни метални елементи, решетки и облоги.
- Производство на апарати и бела техника
Метални делови за фрижидери, машини за перење, клима уреди и друго.
Предности на ЦНЦ виткањето:
ВИСОКА ПРЕЦИЗНОСТ
И ПОВТОРЛИВОСТ
Компјутерската контрола овозможува точни и повторливи резултати
БРЗИНА И ЕФИКАСНОСТ
Брзо извршување на сложени операции со минимална потреба за прилагодување.
ФЛЕКСИБИЛНОСТ И
ЕКОНОМИЧНОСТ
Можност за изработка на различни форми и агли без потреба од промена на алатите.
